walang PUSONG pinay sa dubai

Habang abala ang lahat sa pagbangon matapos ang pananalasa ng bagyong Ondoy, nagawa pang alipustahin ng isang Pinay na nakabase sa Dubai ang sarili nitong mga kababa­yan matapos mag-post sa internet ng hindi kanais-nais na mga kataga at patutsada sa kapwa Filipino.
Ilang oras matapos tangayin at lunurin ng baha ang maraming kabahayan, sasakyan at maraming buhay sa Metro Manila at 25 lalawigan, ay nagkomento sa Facebook at Starfishbuang.multiply ang isang Pinay ng, “Buti n lng am hir in dubai! Maybe so many sinners bak der! So yeah deserving wat hapend,” patungkol sa nangyaring insidente sa Pilipinas sa kasagsagan ng bagyong Ondoy.
Dahil sa ipinosteng komento ng Pinay, matinding galit ang inani nito sa mga kapwa Filipino mula sa iba’t ibang panig ng mundo na dumaan sa internet.
Maging ang mga miyembro ng Facebook ay tinatangkang alamin ang pagkakakilanlan ng Pinay gayundin ang pinapasukan nitong kumpanya upang hilingin sa emplo­yer na sibakin ito.
Samantala, sa kasagsagan ng batikos, sinaklolohan ang kinukuyog na Pinay ng nagpakilalang kapatid at sinabing na-hack diumano ang Facebook at Friendster accounts ng Pinay na ito at sinasabing biktima lamang ng identity fraud.
“My sister is educated, a graduate of the University of the Philippines, and does not speak English as crudely as is evident in the infamous Facebook comment. We come from a known political family and my sister would never do anything to tarnish the reputation of the family name,” paliwanag ng kapatid ng Pinay.