Ano mga nagawa ni Noynoy sa congress at senado bakit mo sya iboboto? Philippines

Para naman sa inyong mga Noynoyista, di makabasag-pinggan si Noynoy, eh...

Tatang, Commander-in-Chief si Noynoy mo. Nasaan siya at ano ang ginawa niya para maresolba ng maayos ang hostage crisis? Wala! Lumalamon sa Emerald Restaurant. Hindi ba nga, pati tawag ng HK CEO hindi nagawang sagutin? Ganyan ka-inutil ang ibinoto mong kandidato. Hindi ka kasi nakinig sa akin dati, eh. Tumambay na nga lang bilang mambabatas, ibinoto mo pa...tsk tsk tsk!

Sige lang, yumao ka na. Balik ka na lang kapag may silbi na ang dinedepensahan mo...hehehe!

tama ka dyan dude, asan na yung mga pangako niya noon na pagbabago, hanggang ngayon wala pa, ilang buwan pa nga lang siya sa serbisyo ang dami ng batikos sa kanya,karamihan negative...buti na lang hindi ako bumoto las election kundi sarili ko ang sisisihin ko sa mga kinakaharap na problema ngayon ng bansa.kung anu-ano ang mga ipinapatupad sa batas, gaya ngayon nung dagdag 2yrs sa lahat ang antas ng edukasyon, dapat hindi ito matutuloy. sa ating mga mamamayan na lang ata sila bumabawi...."Philippines- major, major poor!!!

Makasabat nga po sa usapan niyo. Hindi naman Superman o magician ang pangulo na agad agad niyang mababago ang Pilipinas sa isang pitik lang. Ilang buwan lang siya. Hindi na rin yata maalis sa atin mga Pilipino utak talangka. Kapag may ginagawa ang pangulo ikagaganda ng bayan marami na pong bumabatikos. Maghitay na lang tayo mga 2 years pa kaya, kapag walang mangyari, di doon na po tayo magsalita. IMHO lang po. 

tama ka dyan.. mga blanko na kasi utak nila eh.. mga "self first before others mag isip"

Wala pong OJT sa pagkapangulo. Yan ang hindi nakita (or binalewala) ng mga Noynoyista. We needed someone who will hit the ground running. And in spite of Noynoy's inexperience and unfruitful tenure as lawmaker for 12 years, the non-discerning minds voted for him because he's popular...hehehe!

Pero hindi ako magtataka kung hanggang sa huli ay pangatawanan nila ang pagpili kay Noynoy. Tulad din yan ng mga tagahanga ni Erap; kinamatayan na ang pag-asa sa Erap para sa Mahirap. This time, kapag walang corrupt, walang mahirap daw. Nakaupo na at lahat si Noynoy, nang-uuto pa rin kaya kahit mali ang sinasabi, pinapalakpakan at pinupuri pa rin...

Two weeks na nakakaraan ng matapos ang IIRC investigation. Up to this writing di pa inilalabas ang buong report. Yan ba ang tinatawag na transparency? Mukhang huli sa mga prayoridad ni Noynoy na ipaalam sa kanyang mga "BOSS" ang nilalaman nito...hehehe!

 

@ true2you11

Anong self first before others ang kinakana mo? Trabaho nyo dapat na kalampagin si Noynoy para matupad ang mga ipinangako niya sa inyo. Pasalamat kayo sa mga bumabatikos kay Noynoy dahil kung hindi nagbabayad na kayo ngayon ng VAT sa toll fees. At kung hindi mo alam ang magiging epekto nun sa mga tao, mamundok ka na lang...

Sama mo ang panginoon mong si Erap dahil sa kanya rin naman nagsimula ang pagbagsak uli ng Pinas...

d nga sya mgnanakaw iba lng mgnanakw pra sa knya hahhaha

Puede ko siguro ipost dito itong nabasa ko sa isang editoryal at opinion ng isang manunulat. share ko lang

----------------------------------------------------------------------------

http://www.abante-tonite.com/issue/oct0610/opinions_spy.htm

Hindi mahalaga kung anong kulay ng ballpen ang ipangmamarka ng mga kritiko sa class card ni Pangulong Noynoy ‘PNoy’ Aquino kundi kung anong aksyon at pagbabago ang ipinatupad ng bagong administrasyon sa unang 100-araw ng panunungkulan nito.
Gaano man kamahal ang ballpen ng mga anti-Aquino na nakikisabay sa pag-iingay ng mga nagmamagaling na sektor, mapa-lapis o pluma ang gamit nito, higit na mahalaga ang damdamin ng nakakaraming Pilipinong naniniwala sa liderato ni PNoy at nakaramdam ng pagbabago sa maikling panahon.
Hindi kailangan maging ‘prayer warriors’ ng isang religious group o ‘lay minister’ ng Simbahang Katoliko upang maintindihang merong separation of power ang simbahan at estado sa usapin ng condom at iba pang uri ng contraceptives na nasasakop ng Reproductive Health (RH) bill sa ilalim ng ‘couples choice policy’ ng gobyerno, maliban kung sadyang pakialamero ang mga obispo?
At kahit freshman student sa isang criminology school, mauunawang police matters ang madugong hostage taking sa Qurino -- ito’y kapalpakan ng Manila Police District (MPD) at hindi ‘leading man’ si PNoy para umaktong negotiator. Ang malaking problema lamang, likas sa kultura ng mga Pilipino ang manisi sa bawat kamalasang inaabot upang masabing mas magaling mag-isip ito.
Balikan ang lahat ng kaganapan sa 100-araw ng panu­nungkulan ni PNoy, kahit singkong duling, wala ni isang balitang nagnakaw ang kasalukuyang administrasyon -- ito’y kabaliktaran sa nagdaang panahon, hindi ba’t ‘natusta’ sa multi-bilyong power deal. Take note: nakaka-4 days (January 24, 2010) pa lamang si Mrs. Arroyo ay pumutok si Million Dollar Man sa peryodiko.
***
Napag-usapan ang 100 days ni PNoy, naghirap ba ang gobyerno sa gitna ng mainitang diskusyon sa hostage taking? Anong nangyari sa pera ng Washington, hindi ba’t humina ang palitan sa merkado, pinaka-latest ang P43.00 kontra dolyares ng mga Kano -- ito’y napakalayo sa P46.80 sa nagdaang administrasyon.
Kung sablay ang 100-araw ni PNoy, hindi sana magpapa-photo op si State Secretary Hillary Clinton sa Waldorf Astoria Hotel (New York) habang hawak-hawak ang $434 bilyong US aid check. Hindi ba’t ilang taong ‘nag-water-water’ sa multi-bilyong US aid ang mga ex-Housemate sa Malacañang at pilit ini-spin ang senaryong sila ang nagpakahirap para malimusan ng Amerika?
At kung wala pa ring nagawa si PNoy, bakit pumalo sa $1 bilyon ang peso bond offer sa Philippine Stock Exchange (PSE), as in nakapagbenta ng P44 bilyon ang Pilipinas at gumaganda ang ekonomiya? Sa simpleng paliwanag: tinanggap ang Philippine peso bilang katiyakan sa pambayad-utang at kinikilala sa international market, hindi puro euro at dolyar.
Kung hindi pa kuntento ang mga kritiko, maraming pagbabagong ipinatupad si PNoy -- binuo ang Truth Commission (EO 1); nilusaw ang lahat ng midnight appointment (EO 2); ipinatigil ang multi-milyong perks sa government owned and controlled corporations (GOCCs) at government financial institutions (GFIs), sa bisa ng Executive Order No. 7.
Higit sa lahat, ideklarang bakante ang lahat ng puwestong inuokupahan ng mga co-terminus officials (MC 01 at MC 02) dahil sandamakmak ang undersecretaries (Usec’s), assistant secretaries (Assec’s), presidential assistant at kung sinu-anong ‘konsuhol-tant’ ang inabutan ni PNoy sa palasyo -- ito’y malaking katipiran sa gobyerno. Ang tanong: paano magiging pula ang marka ni PNoy, maliban kung ‘row four sa Grade 1’ at malapit sa basurahan ang magbibigay ng grado? Laging tandaan: ‘Bata n’yo ko at Ako ang Spy n’yo”. (mgakurimaw.blogspot.com)

http://www.abante-tonite.com/issue/oct0610/opinions_spy.htm

Lumakas nga ang piso at hindi naman gaanong gumagalaw ang presyo ng langis sa international market sa nakalipas na 3 buwan, pero bakit nagtataasan ang presyo ng produktong petrolyo sa Pinas? Campaign donors ba ni Noynoy ang Big 3? Hmmmm....

Police matter nga ang hostage taking pero anong silbi ng Commander-in-Chief kung wala siyang gagawin? Pati pagsagot sa telepono di nagawa....PWE!

Kapag walang corrupt, walang mahirap!

Nabawasan na ba ang mga mahihirap sa mga lugar ninyo? Kayo na ang magbilang...

Honeymoon?
Jun Bautista


Isa sa maraming tradis­yon sa pulitika na nagaya natin sa mga Amerikano ay itong tinatawag na âhoneymoon periodâ o âfirst 100 daysâ para sa isang bagong halal na Pangulo. Sa loob ng panahon na âyan, nakaugalian na (lalo na sa US) na pinagbibigyan munang makadiskarte ang bagong Pangulo kung paano, o ano ang style niya sa pagpapatakbo ng administrasyon. At sa loob din ng panahon na âyan, hindi siya gaanong binabatikos sa media .. hanggaât maaari. âWarming up period..,â sabi nga ni Sen. Joker Arroyo. Sa kaso ni PNoy, eksaktong 100 days na siya bilang Pangulo bukas, Okt. 7.
Pero hindi naman na­ngangahulugang sundin ito na parang isang tradisyong nakaukit sa bato. Marami na tayong nabasang mga patutsada kay PNoy, lalo buhat sa political opposition. Kung sabagay, natural sa oposisyon ang gawin ito.
Pero, magandang sampol si Sen. Joker, hindi naman oposisyon. Siya ay isa sa mga naunang nagsabi na hindi siya magkokomento tungkol kay PNoy sa loob ng unang 100 araw ng kanyang panunungkulan. Pero tandang-tanda ko na siya na rin ang pumuna (may isang buwan na yata ang nakararaan).. na âyong unang 4 na Executive Order na inilabas ng Malacañang, ay kinuwestyon lahat sa Supreme Court.
Kasama na rito ang legalidad daw ng Truth Commission, âyong sibakan ng mga career officials at prosecutors o abogado sa gobyerno, pati na ang pagtatatag ng Communications Group. Kaya naman maski nombrado na ang mga miyembro ng Truth Commission, hindi ito makapag-umpisa ng kanyang trabaho.
Sa totoo, ang binabanatan ni Sen. Joker ay ang mga bright boys sa paligid ni PNoy, na nagpapirma o may ideya ng mga EO na ito. Pero bawi naman ni Sen. Joker.., sa kabila ng mga kapalpakan ng mga âministroâ bumubulong kay PNoy, nanatiling mataas ang pagtitiwala sa kanya mismo, ng taumbayan. Halos ganito rin ang pananaw ng ilang senador na tinanong namin kahapon, pasado sa kanila si PNoy, pero pasang-awa kundi man bagsak ang grado nila sa mga advisers at gabinete niya.
Sampol naman natin âyong sinabi ni Sen. Chiz Escudero, â..On a scale of 10, Iâll give PNoy a 9, but for his cabinet and some advisers.. a 6 to 7..â. Ang pinakapatas ay âyong ga­ling kay Senate Pres. Juan Ponce Enrile.. â..Iâm not in the habit of rating people. Let the public make that judgment..â.
***
Tuloy ang drama sa hearing sa jueteng ng Senado ngayong umaga. Parang kay haba-haba na ng imbestigasyong ito, pero pangatlo pa lang pala ang hearing ng Blue Ribbon committee ngayong Miyerkules. Ayon dun sa listahan ng mga imbitado, wala na namang whistleblower na aapir.
Sa totoo, mukhang wala na yatang umaasang mapapahinto ang jueteng sa bansa.
Parang ang direksyon ng Senado ngayon ay: 1) kung paano palalakasin ang Small Town Lottery (STL) para maakit ang mga tumataya sa jueteng at lumipat na sa STL. Ang hirap lang puwede pa ring gamitin na âcoverâ ang STL, sa jueteng; at 2) gawing legal ang jueteng. Huwag na siguro nating pag-aksayahan ng pag-iisip kung paano pag-iisahin ang jueteng at STL, dahil puwedeng tayong masiraan ng bait.

Walang mangyayari diyan sa Jueteng investigation na yan. Tumatabo yata ng milyon-milyon si shooting buddy...hehehe!

At si Pinsan...nyahahaha!

Wala na nasira na ang tuktok panay tawa na lang. Baliw na yata? Ipagpatuloy mo yan, pagdating ng araw di mo na kilala sarili mo.

Message appended on October 6, 2010 12:36PM

OK itong post na ito. Para kay barok (DP) pakibasa yong last part na nakahighlight na red, dyan ka siguro sa level na yan?

 

Higit sa lahat, ideklarang bakante ang lahat ng puwestong inuokupahan ng mga co-terminus officials (MC 01 at MC 02) dahil sandamakmak ang undersecretaries (Usec’s), assistant secretaries (Assec’s), presidential assistant at kung sinu-anong ‘konsuhol-tant’ ang inabutan ni PNoy sa palasyo -- ito’y malaking katipiran sa gobyerno. Ang tanong: paano magiging pula ang marka ni PNoy, maliban kung ‘row four sa Grade 1’ at malapit sa basurahan ang magbibigay ng grado?

Reserved ang level na yan sa mga uto-uto na bumoto sa isang inutil na kandidato...hehehe!

According to Arnold Clavio kanina sa Unang Hirit, mayroong namumuong faction sa Aquino administration. PANOT, Inc. daw...nyahahaha!

Now is the time to prove himself. Ngayon naman sana, may gawin siya.

Message

of

His Excellency Benigno S. Aquino III

President of the Philippines

On The First Hundred Days of his Administration

[October 7, 2010, La Consolacion College, Manila]

Maraming salamat po, maupo po ho tayong lahat.

Vice President Jejomar Binay, members of the Cabinet, our host led by Sister Imelda, honored guests, fellow workers in government, mga minamahal ko pong kababayan, magandang umaga po sa inyong lahat.

Ang basehan po ng demokrasya ay mayroon po tayong mga politiko na naglalahad ng kanilang plataporma. Ang nanalo po ay obligadong ipatupad ang platapormang ipinangako.

Isandaang araw po ang nakalipas, nagpanata ako sa taumbayan: Hindi ko tatalikuran ang tiwalang kaloob ninyo sa akin. Ang nakalipas na isandaang araw ang magsisilbing tanda ng ating pong paninindigan.

Malalim at malawak po ang mga problemang minana natin. Nag-ugat ito sa isang gobyernong parang tatlong matsing na nagbingi-bingihan, nagbulag-bulagan, at gumawa ng sariling katotohanan.

Mali po ito. Ngayon, mayroon na po kayong gobyernong handang makipag-usap at magsabi ng totoo; handang makinig sa makabuluhang usapan; handang iangat ang antas ng pampublikong diskurso ukol sa mga isyung makaaapekto sa ating lahat, at maging sa mga darating na henerasyon.

Ang natamasa po natin ngayong unang isandaang araw ng ating panunungkulan: Mayroon na po kayong gobyernong hindi kayo binabalewala o inaapi.

Bumalik na po ang kumpyansa sa ating bansa. Tumatatag ang ating ekonomiya, at dahil dito, lumalago ang kaban ng ating bayan. Ang lahat ng inani at aanihin pa natin mula sa pinatibay na ekonomiya ng ating bansa, ibinabalik naman natin sa taumbayan upang tuluyan na tayong makaahon sa kahirapan. Binibigyan natin ng katuturan ang paggastos. Walang pisong dapat nasasayang.

Halimbawa po ang mga itinalagang opisyal sa mga GOCC. Naroon po dapat sila para pangalagaan ang interes ng taumbayan. Noon pong nakaupo sila doon, nilabag nila ang Memorandum Order 20, na pinirmahan noon pang Hunyo 2001. Inatupag po nila ang sariling interes na nagdulot ng pinsala sa interes ng taumbayan: nakakuha sila ng kung anu-anong mga bonus at allowance.

Ipinatutupad naman po natin ang Executive Order No. 7 na nagsususpinde sa lahat ng pribilehiyong iyon. Idiniin lamang po natin ang dapat naipatupad pa noong 2001. Sa isang kumpanya lang po tulad ng MWSS, ang napigil nating mahulog sa bulsa ng bawat opisyal ay umaabot na sa dalawa’t kalahating milyong piso kada taon. Siyam po ang miyembro ng Board nila, at sa MWSS lamang po iyan. At ilan po ang mga GOCCs, GFIs, at mga ahensyang sakop ng EO No. 7? Isandaan, dalawampu’t dalawa (122) mga ahensya at kumpanya.

Nariyan din po ang nangyayari sa mga kontrata tulad sa NAIA 3. Isipin lang po natin, tatlong administrasyon na ang dinaanan nito. Pang-apat na kami. Tumagal na po nang husto ang kasong ito, may mga pinaslang pa dahil dito. Kundi dahil sa mga tapat na nagmamahal sa bansa tulad nina Justice Florentino Feliciano at Justice Meilou Sereno, baka wala na ring pinatunguhan ang kasong ito. Sila po ang mga tunay na bida sa kaso, ngunit death threats pa po ang ibinayad sa kanila. Tila ba nagkulang sa aruga ang nakaraang gobyerno. Ngayon pong alam nilang suportado sila ng mga kapwa nila nasa tuwid na landas, naresolba na po nila  ang kontrata. Kung natalo po ang gobyerno natin rito, 990 million dollars ang nalagas sa ating mga pondo. 43.5 bilyong piso ang perang nailigtas nila at natin. Higit pa rito, mapapakinabangan na natin ang airport sa lalong madaling panahon.

Kung naaalala po ninyo, pinahinto natin itong negotiated contracts ng DPWH; pinarebid natin ito. Ginawa lang po natin kung ano ang tama, napigil na po natin ang paglustay ng 934.1 million pesos, at lumalabas na kung susunod tayo sa tamang proseso ay nasa 600 million pesos lang ang dapat gastusin sa mga proyektong ito. Nabalik po ang pera sa kaban ng bayan na kung pinahintulutan natin ang maling sistema ay natapon na naman sanang muli. Hindi lang po sa mga kalsada: sa DOTC, pinigil natin ang pagwaldas ng isang bilyong piso. Sa Department of Agriculture, 30 million at least ang natipid sa isang proyekto lang na bibili tayo ng spectrometer na gusto sanang doblehin ang presyo.

Doon po sa Department of National Defense, ang dinefend po ang pag-purchase ng mga helicopter na tila overspecified para paburan ang isang kumpanya lang. Sinisiyat ito. Itinabi na muna natin. Ang gastos na 3.6 billion ay hindi pa po nangyari.

Lahat po iyan naibalik natin sa kaban ng bayan.

Mayroon pa po. May proyektong inaprubahan ang dating administrasyon, huhukayin daw nila ang Laguna de Bay para palalimin ito. Ang sabi raw dadami ang isda. Mas makakaiwas daw sa baha. Mas madali daw makakaikot ang mga bangka at mga ferry service. Tatanggalin din ang pollutants doon sa Laguna de Bay. Ang tanong ko, saan ililipat ang lupang hinukay? Ang tatanggalin sa Laguna de Bay ay itatambak lang din pala sa ibang bahagi ng Laguna de Bay. At magkano naman po ang uutangin ng gobyerno para sa prebilihiyong ito? Konti lang daw po : 18.5 billion pesos lang naman po. At pareho rin ang kuwento: Tila hindi na naman dumaan sa tamang proseso ang pag-aapruba sa kontrata. Hindi natin dadaanin sa madaliang hokus-pokus ang proyektong ito. Pag-aaralan natin ito nang husto at sisiguraduhing hindi masasayang ang pondong gagamitin para rito.

Idadagdag ko lang po: ito po ay ni-review natin last week. Isipin po ninyo: hanggang ngayon, mayroon pa rin humihirit.

Napansin n’yo po ba, pati ‘yung weather forecasting gumanda? Napansin n’yo po ba na hindi na paulit-ulit ang mga mensahe ng PAGASA? Ngayon po, nakatutok na at mas malaman ang mga weather bulletin natin. Ang dating intermittent rainshowers across the country, ngayon, sasabihin na uulan sa ganitong lugar nang mga ganitong oras, delikadong lumabas para sa mangingisda at iba pa.

Tama po na hindi pa kumpleto ang equipment natin. Pero ngayong nagsimula na po tayong magtrabaho, kakaunti na lang ang kulang na kagamitan. Maling sistema at maling palakad ang nanligaw sa pagtataya ng panahon. Ang mga update dati na dumarating kada anim na oras, kada oras na ngayon kung dumating. Marami po tayong binago sa PAGASA, at kasama na po rito ang bulok na sistema.

Nakita naman po natin ang katakut-takot na problemang minana natin, pero hindi po tayo natinag. Naisaayos at naisasaayos na natin sa loob ng isandaang araw ang hindi nagawa ng dating administrasyon sa loob ng tatlong libo, apat na raan, apatnapu’t walong (3,448) araw.

Hininto na po natin ang pagkatagal-tagal na sistema kung saan itinuloy nang itinuloy ang mga proyekto na walang sumisiyasat kung angkop ba o kung may katuwiran ba ang mga ito. Isinulong po natin ang zero-based budgeting. Ang sabi po namin, isa-isahin natin iyan. Kung hindi po mapatunayang may saysay ka pa, tigil na ang ginugugol ng bansa sa iyo.

Ang mga Agriculture Input Subsidies na lalo lamang nagpapayaman sa mayayaman na habang binalewala ang mga mahihirap; ang mga programa tulad ng Kalayaang Barangay at Kilos-Asenso na hindi naman inilatag nang malinaw kung ano ang prosesong dinaanan, at kung saan napunta ang pera—inilipat po natin ang kanilang mga pondo tungo sa mga programang napatunayan nang makakatulong sa taumbayan.

Humigit-kumulang na 11 bilyong piso pa po ito na magagamit at mapapakinabangan nating lahat.

Sa edukasyon, kalusugan, at pag-ahon sa kahirapan po natin itinutok ang pondong natipid natin. Mula 175 billion pesos, umangat ang budget ng DepEd sa 207.3 billion pesos. Gugugulin po ito upang makabuo ng 13,147 na bagong classroom, at ng sampung libong bagong teaching positions. Sa DoH, umangat mula sa 29.3 billion pesos ang budget papuntang 33.3 billion, upang mapatatag ang unang-una, ang National Health Insurance Program. Sa DSWD, lagpas doble na po ang budget, galing 15.4 billion pesos papuntang 34.3 billion pesos.

Ang punto po natin dito: Walang maiiwan. Hindi po tayo papayag na yayaman ang iilan habang nalulunod sa kahirapan ang karamihan.

Kaya nga po natin pinatatag ang Conditional Cash Transfer Program. Salbabida po ito para sa mga nalulunod nating kababayan upang makapunta na sila sa pampang ng pagkakataon at pag-unlad. Lampas doble po ang bilang ng mga pamilyang matutulungan ng conditional cash transfers, mula isang milyong pamilya sa ngayon, tungo sa kabuuang 2.3 million na pamilya sa 2011.

Patuloy po ang ating tema ng pagbibigay ng lakas sa taumbayan. Dahil na rin po sa panunumbalik ng tiwala sa gobyerno, nabiyayaan ang KALAHI-CIDSS program ng dagdag na 59.1 million dollars—halos tatlong bilyong piso—mula sa World Bank. Sa programa pong ito, dadami pa ang komunidad na magkakaroon ng kuryente, kalsada, at malinis na tubig—mga proyektong ang taumbayan mismo ang nagpaplano at nagpapalakas.

Paulit-ulit po nating ididiin: trabaho ang pangunahing agenda ng ating administrasyon. At marami pong magandang balita ukol dito.

Ang papasok na pera sa ating bansa mula sa mga foreign investors ay aabot sa 2.4 billion dollars, at iyon ay pang-umpisa pa lamang. Direkta po itong magbibigay ng 43,600 na trabaho sa mga Pilipino. Simula pa lamang po iyan: Kung hindi natin sila padadaanin sa butas ng karayom, makukumbinsi pa po silang magnegosyo rito, at madadagdagan pa ang mga trabahong nalikha.

At manganganak pa po ng manganganak ang mga trabahong ito. Halimbawa, sa call center, kailangang panggabi ang trabaho. Kailangang magbukas ng kapihan, ng fastfood, ng mga convenience store. Hindi bababa sa dalawandaang libong bagong trabaho ang malilikha pa—kahit hindi ka marunong mag-computer, may pagkakataon ka sa dagdag na mga trabahong ito.

Trabaho din po ang idudulot ng mga Public-Private Partnerships na patuloy nating isinusulong. Nagtayo na po tayo ng PPP Center, kung saan ang mga gustong makilahok sa pagbabago ay mapapasailalim sa tapat, malinaw, at mabilis na proseso. Mula sa pagpapahaba ng mga LRT Lines, hanggang sa pagpapatayo ng bagong paliparan na tutulong sa turismo, hanggang sa mga eskuwelahan na itatayo sa buong sambayanan, magsisimula na po ang bidding para sa mga ito sa loob ng mga susunod na buwan.

Kinikilala na ng pandaigdigang merkado ang pagtatag ng piso. All-time high po ang ating Gross International Reserves na umabot na sa 52.3 billion dollars noong ika-dalawampu ng Setyembre. Ang dati-rati ay parang imposibleng maabot ng Philippine Stock Exchange Index na 4,000, nalampasan na po. Kahapon lamang po, all-time high na naman ang inabot ng ating Philippine Stock Exchange Index na umabot sa 4,196.73 points. Ipinapakita nito ang kumpiyansa sa ating ekonomiya sa ating mamamayan at sa atin pong pamahalaan. Kabilang na po ang ating PSE sa mga best-performing stock market sa buong Asya. At habang lumalakas ang piso at lumalago ang ekonomiya, steady lang naman po ang mga presyo ng ating mga bilihin. Handang-handa na po tayo talaga sa pag-unlad.

Lahat po ito nagawa natin dahil nakasandal ang gobyerno sa inyong tiwala. At umaapaw na rin po ang tiwalang iyan sa buong daigdig.

Dalawang ulit na pong nag-apply ang Pilipinas para sa Millenium Challenge Corporation Grant. Sa unang tatlong buwan lang po ng administrasyon natin napaaprubahan ito. Ang sa kanila lamang po, aminado silang hindi natin maiwawasto agad ang lahat ng problema, pero naniniwala silang patungo na tayo roon. Sabi nila, gusto namin kayong matulungan para maabot ang inyong mga pinapangarap, heto ang 430 million dollars.

Ididiin ko lang po: dalawang beses nag-apply, ni-reject sa loob nang hindi bababa sa siyam na taon, tayo po sa tatlong buwan, inaprubahan.

Pati po ang mga international organization tulad ng OECD, tinanggal na tayo sa listahan ng mga bansang kumukupkop ng mga tax evader. Maaari na tayong makakuha ng impormasyon na makakatulong sa paghuhuli sa mga tax evader na isinasagawa ng BIR.

Dahil na rin po sa panibagong tiwalang nangingibabaw sa pamahalaan, dumadami ang mga tumutulong sa pamamagitan ng pagbibigay ng mga tip tungkol sa katiwalian. Sumasaksi sila sa maling pangyayari, para makatulong sa ating paghahabol ng demanda. Halimbawa, sa bagong-tayo na Pera ng Bayan website, isa-isa nang lumilitaw ang mga taong makatutulong sa atin upang tugisin ang mga smuggler at tax evader.

Ibinabalik ng mga hakbang na ito ang kumpiyansa ng daigdig sa Pilipinas. Nagkakaisa nang muli ang ating lipunan, at ang nanatili na lang na parang sirang-plaka na paulit-ulit ang reklamo ay ang mga gustong manumbalik sa poder upang ituloy ang kanilang ligaya na nagmumula sa ating pagkakaapi.

Sila na nga ang nagdulot sa atin ng mga problemang pinapasan natin ngayon, sila pa ang may ganang bumanat nang bumanat sa atin. Papansinin ba ninyo sila? Magpapalinlang ba kayong muli?

Hindi po kami nagbibiro sa pagtahak sa tuwid na landas. Kayong mga mali ang palakad at pinipinsala ang mga kababayan natin, ginagarantiya ko sa inyo: may taning kayong lahat.

Ito pong mga problemang pinangako nating solusyonan, tatlong buwan pa lang nakikita na ninyong nabubuo ang solusyon. At ang inyong tiwala po ang pundasyon ng lahat ng ating naabot sa loob lamang nitong tatlong buwan ng ating panunungkulan.

Mula pa noong kampanya, ibinato na po sa atin ang lahat ng puwedeng ibato sa loob at labas ng Revised Penal Code. Pati po ang buhok ko ginawa nilang isyu. Palagay ko ho dahil siguro binata pa tayo, hindi na tayo binigyan ng honeymoon. Payag po si Sister Imelda diyan. Gusto talaga tayong gibain ng mga taong nais mapanatili ang lumang sistema, kung saan para silang mga dambuhalang buwayang nagpapakasasa sa kaban ng bayan.

Binabatikos lang naman po tayo dahil may iilan na naghahanap ng paraan para magpatuloy ang siklo ng mali. Alam din naman po nila ang tama, hindi pa nila maatim gawin. Mayroon po talagang mga nag-aambisyon na makabalik sa poder, nag-aambisyon na panatilihin ang sistemang sila lang ang nakikinabang, mga kapit-tuko sa puwesto na nakikinabang sa lumang sistema—mga taong gusto lamang ituloy ang kanilang ligaya, habang binabalewala naman ang sakripisyo ng taumbayan.

At tayo naman po: tuloy na tuloy ang laban. Hindi po tayo titigil.

Kung mayroon po tayong pagkukulang, ito marahil ay ang hindi nating naging kaugalian na ipamalita ang mga tagumpay na atin pong nakamit. Mas binigyan nating halaga ang paghahanap ng mga paraan na makatutulong sa ating mga kababayan. Kitang-kita naman po ng taumbayan ang resulta ng ating pagtatrabaho. Talagang nakagagalak ng puso itong satisfaction rating na seventy one percent. Natural po, sa inyo ang tagumpay na ito—sa bawat Pilipinong nagtitiwala at nakikilahok sa ating agenda ng pagbabago.

Ang patuloy ko pong panata: Hindi tayo titigil. Habang dumarami tayo sa tuwid na landas, dumadali naman po ang tungkulin nating itama ang mali.

Hinding-hindi po tayo titigil sa tuwid na landas. Unti-unti na pong natutupad ang ating mga pangarap.

Maraming salamat po. Magandang umaga sa lahat.

Ano kaya masasabi ni barok sa sinabi ni Pangulong Noy sa 100 days niya? Baka maduling sa kababasa. kasi hindi nanonood ng TV kasi eh. Pinaniniwalaan niya yong napapanood niya noong araw. Sa ngayon nalaman natin may magagawa pala si Noynoy bilang isang Pangulo ng Bansa, Kaya di nasayang ang boto ng mahigit 15 million.

As always, the yellow army are ecstatic with noynoy's rhetorics...hehehe!

Ganyan din si GMA noon, puro maganda ang sinasabi pero hindi naman nararamdaman ng common tao. Nagbago na nga ba ang buhay ng mga pinoy? Sagot: Hindi pa po...nyahahaha!

Wala na nasubrahan na ang talino niya kaya panay tawa na lang. sira na.

Don't you get it, Proto? I'm making fun of Noynoy. Parang bata na ayaw ng binabatikos pero siya naman ay puro batikos ang ginagawa. Akala siguro niya'y nasa oposisyon pa rin siya...nyahahaha!

Hindi kaya may HFMD rin siya? Hehehe...