Limos, donasyon o raket? Philippines

Dahil sa tindi ng kahirapan sa ating bansa, marami tayong nakakasalamuhang mga taong nanghihingi ng limos, donasyon o tulong.  Makikita natin sila sa ating mga lansangan minsan naman ay sa ating tahanan.

Minsan, hindi ko alam kung tama nga bang mabigay ng tulong sa mga batang sumasampa sa jeep para namamalimos sa mga pasahero.  Kung minsan naman may isang lalaking nasa mga idad na 27 -30 na may kasamang bata at namimigay ng sobre para humingi ng limos.  Na sa tingin ko ay kayang kaya naman maghanap buhay, ginagamit nya ang batang nasa idad 8 -10 para manghingi ng limos, malimit nilang masampahan ang jeepney na sinasakyan ko o ito na ang ginawa nilang hanap buhay.  Minsan ako ay nagbibigay ngunit minsan ay hindi dahil na din sa katanungang...nakakatulong nga ba ako or nangungunsinti?

Meron naman akong kakilalang nakausap na dun sa dati nilang tinitiran ay may malayong kamag anak ang mister nya at sinasabing ang ginagawang hanap buhay ay magbigay ng sobre na may tatak ng simbahan sa kung saan saang barangay ipinamimigay.  Ayon sa kanya malaki ang kinikita nito dahil sa kanya lamang pala ito napupunta.

May ilang pangyayari naman na may lalapit sa bahay-bahay para humingi ng tulong para sa gamot o operasyon... kadalasan lahat ng ganitong humihingi ng tulong  sa aming tahanan ay hindi naman napapahiya.

Mga kasulit, ano ang opinion nyo tungkol sa pagtulong sa mga taong hindi masyadong pinalad sa buhay, at paano ka nagbibigay ng tulong o limos?